Home / මුළුතැන්ගෙය / ඉස්සන් අච්චාරු

ඉස්සන් අච්චාරු

2017-10-18 09:29:00       227
feature-top
අවශ්‍ය ද්‍රව්‍ය
ලොකු ඉස්සන් 20ක් පමණ
ලොකු ලූනු ගෙඩි 3ක්
රටඉඳි ගෙඩි 5-6ක්
මිරිස් කුඩු මේස හැඳි 1
ගම්මිරිස් කුඩු මේස හැඳි 1/2
අඹරාගත් අබ තේ හැඳි 1
අඹරාගත් සුදුලූනු මේස හැඳි 1
අඹරාගත් ඉඟුරු මේස හැඳි 1
කොච්චි අහුරක් පමණ
ලුණු රසට අනුව
ලුණු දෙහි ගෙඩියක්
තෙල් අවශ්‍ය තරමට
විනාකිරි අඬු කෝප්පයක්
 
සාදන ආකාරය
ඉස්සන්ගේ ඔළු ‍පොතු ගලවා වලිගය තිබියදී සෝදා ගන්න. ඉන්පසු ඒවා රත්වූ ගැඹුරු තෙ‍ලේ බැද තෙල් බේරෙන්නට තබන්න. ලූනු ලොකු තීරුවලට කපා ගන්න. රටඉඳි, ලුණු දෙහි ඉතා කුඩා කෑලිවලට කපා ගන්න. දැන් මැටි හට්ටියක් ගෙන එයට විනාකිරි ලුණු, ඉඟුරු, සුදුලූනු, අඹරාගත් අබ, මිරිස්, ගම්මිරිස් දමා ලිප තබන්න. නටාගෙන එන විට ලූනු, කොච්චි දමන්න. ලුණු දෙහි, රටඉඳි දමන්න. අන්තිමට බැදගත් ඉස්සන් දමා මිශ්‍ර කර නිවෙන්නට හැර කෑමට ගන්න.


උපුටා ගැනීම ලක්බිම පුවත් පත ඇසුරෙනි

More News »